Miðahafar geta með einföldum hætti áframsent miða á aðra. Hvort sem þú vilt senda miða á þá sem fara með þér á leikinn eða ef þú getur ekki notað miðann þinn þá geturðu notað þessa aðferð sem lýst er hér fyrir neðan.
Þegar þú opnar appið (KSÍ Miði) ættir þú að sjá þá miða sem þú hefur fengið senda. Eitt svona box birtist fyrir hvern leik sem þú átt miða á. Í hverju boxi sérðu hvenær leikurinn fer fram og hvað þú átt marga miða í appinu á viðkomandi leik.
Smelltu á miðana til að opna þá. Hægt er að fletta á milli miða með því að strjúka til vinstri eða hægri eftir skjánum. Finndu þann miða sem þú ætlar að áframsenda.
Þegar þú hefur fundið miðann sem þú ætlar að áframsenda þá skrunarðu niður þangað til þú sérð box sem heitir "Senda miða" - þar smellirðu á "Senda"
Ef þú vilt senda fleiri en einn miða á sama aðila þá geturðu smellt á "+Veldu fleiri miða til að færa". Því næst smellirðu á "Viðtakandi miða"
Þá færðu upp tengiliðalistann í símanum hjá þér og getur valið hvern þú ætlar að senda miðana á úr þeim lista. Einni geturðu skráð beint inn netfang þess sem á að fá miðann og smellir svo á "Bættu við netfangi"
Þá sérðu að netfangið hefur verið skráð og þú getur smellt á "Færsla"
Þá færðu upp yfirlit yfir þá miða sem þú varst að senda áfram. Hér geturðu smellt á "Skoða mína miða"
Þá ættirðu að sjá að miðunum hefur fækkað um þann fjölda miða sem þú varst að áframsenda. Ef þú smellir á "Sendingar" geturðu séð yfirlit yfir þá miða sem þú ert búin að senda áfram.
Hér sést að móttakandi miða hefur ekki ennþá sótt miðann í appið hjá sér. Þegar þú sérð þessi skilaboð ("Bíður eftir niðurhali frá...") þá geturðu ennþá tekið miðann til baka og sent hann á einhvern annan. Þetta getur verið hentugt t.d. ef þú hefur skráð vitlaust netfang eða sá/sú sem þú sendir miðann forfallast. Ef miðahafinn sem þú sendir miðana á er búin að sækja miðann í appið hjá sér þá getur þú ekkert gert en viðkomandi getur auðveldlega sent miðann til baka til þín.
Ef þú ætlar að taka miðann til baka þá smellir þú á "Bíður eftir niðurhali frá..."
Þar geturðu valið að breyta netfanginu eða hætta við flutning og færist miðinn þá aftur til þín.
Að lokum geturðu staðfest hvort þú viljir hætta við flutninginn eða hvort þú viljir fresta því þar til síðar.